كول نار
Kurd Day Team
فقط في سوريا
ما يكتب على السرفيس و التكسي :
لا تلزق فيي ياعزيزي بوقف كتير وخايف تفوت ب ؟؟؟؟؟
لا تشوفني عم اتدرج .. دوبلني واتفرج !!!
ميلي على ميالك ابو عبدو خيالك
عشقت السفر من ظلم البشر
بحبك جكر بالناس
لا تلحقني مخطوبة
لولا المصالح ما حدا صالح
ما طار طير وارتفع إلا كما طار وقع
مكتوب على المرايا مخصص للصبايا
بس للحلوين
لاتسرع يا بابا نحن بانتظارك
دلوعة أبو حبيب
يا رضا الله ورضا الوالدين
يصطفلوا !!
عين الحسود فيها عود
سارحة والرب راعيها
يا ناظري نظرة حسد شكيتك لواحد أحد
انا السوزوكي بغني و اسألوا الكيا عني
ذكرى دمعه على صلعة
مر و عدي و بلا تحدي
الرصاصة التي لفت الكوع
عاشق النبي يصلي عليه
ياجبل مايهزك ريح
يلي يهوانا يصبر على بلوانا
لا تجحش محسوبك أجحش ..
أما الأثار الموجودة جوا :
عناقيد عنب بلاستيك
مسبحة زرئة أو حمرة
قلب بيطفي و بيشعل مكتوب عليه I love you
قطعة فخار (مكسورة) مكتوب عليها الله & محمد
علبة محارم من الصدف أو الخرز الأزرق
فوتيس محطوط عليه جراس صغيرة كل ما يغير برنو
كاسة فاضية مدبئة علقان فيها الشاي بدو أسيد حتى يروح
فردة بوط و لد صغير (مشان العين )
أما و الشيئ الأكثر أهمية فهو :
كلب صغير (كان) كان لونو أبيض هلأ صار يا رمادي يا أسود (من النضافة) بهز راسو بطريئة أستفزازية
صورتو أدام السيارة بأخر شخاص
صورة بنتو الصغيرة
صورة مع الأصدقاء أو العائلة بين الحشيشات و الخضار مكتوب تحتها ذكرة يوم الجمعة على بسيمة أنا و العائلة الكريمة
