ما إن يظهر قانون حضاري عندنا حتى نبدأ باستخدامه لمصلحة الفساد، وعلى قولة لاوتسي: (عندما يستخدم الرجل الخطأ أدوات الدقة، تعمل أدوات الدقة بطريقة الخطأ)، فقانون السير استفاد منه الفساد المروري، وقانون منع التدخين استفاد منه الفساد الإداري، وهلم جراً، لم يظهر قانون إلا وتحول إلى عقبة جديدة في وجهنا، والناس عادة يصدرون القوانين كي يطبقوها،
أما عندنا فإننا نصدرها كي نخالفها، ولكي يسترزق مخالفنا، فقانون الحزام رزقة جديدة، وقانون السرعة رزقة ماكنة، وقطع الأرزاق ولا قطع الأعناق، وكأنما الأرزاق باتت محل صراع بين الناس، فهي نادرة على ناس، ومدرارة على ناس، والناس القليلة عم تاخد الكتير، والناس الكتيرة عم تاخد القليل، هذا إذا أخذت، لأنو يمكن ما تلحق تلمس اللي عم تاخده، فوراً بيطير لصاحب النصيب، شرعياً كان أم سلبطجياً...
- بمعيتك مشي لنا هالمعاملة
- هي بتكلف هداك المبلغ ترى
- لأ شكراً ما عاد بدي مشي المعاملة.. بمشيها لحالي
- مستحيل تمشي
- رح اجرب هالمستحيل
- طوِّل بالك.. هذا صاحبي رح خليه يمشي لنا اياها بأقل
- ما بدي
- شو بدك يا زلمة.. عم أعطيك المعاملة بسعر تكلفتها تقريباً
- شلون بقى؟!
- هذا.. توقيعه بألفين
- شو؟!
- وهذا توقيعه بألف
- لا؟!
- وهي توقيعها بألفين وخمسمية
- وليش كل هالقد شو بدها تركب لي ستالايت
- وهذا بخمسة آلاف
- يعني عشرة آلاف وخمسمية
- صح.. بس كرستا عالحل.. بيصفى أجرة إيدي
- واديش أجرة إيدك
- ألف.. لقمتي صغيرة.. وحابب اراعيك
- وإيمتى باخدها؟!
- هلأ.. هات لقلك.. رح طج لك التواقيع
- بس بدي منك توقيع خصوصي إلي على أوتوغرافي الشخصي
- توقيع شو؟!
- توقيعك.. لأني بصراحة معجب فيك
- وأنا معجب فيك لأنك معجب فيني ...
- بمعيتك مشي لنا هالمعاملة
- هي بتكلف هداك المبلغ ترى
- لأ شكراً ما عاد بدي مشي المعاملة.. بمشيها لحالي
- مستحيل تمشي
- رح اجرب هالمستحيل
- طوِّل بالك.. هذا صاحبي رح خليه يمشي لنا اياها بأقل
- ما بدي
- شو بدك يا زلمة.. عم أعطيك المعاملة بسعر تكلفتها تقريباً
- شلون بقى؟!
- هذا.. توقيعه بألفين
- شو؟!
- وهذا توقيعه بألف
- لا؟!
- وهي توقيعها بألفين وخمسمية
- وليش كل هالقد شو بدها تركب لي ستالايت
- وهذا بخمسة آلاف
- يعني عشرة آلاف وخمسمية
- صح.. بس كرستا عالحل.. بيصفى أجرة إيدي
- واديش أجرة إيدك
- ألف.. لقمتي صغيرة.. وحابب اراعيك
- وإيمتى باخدها؟!
- هلأ.. هات لقلك.. رح طج لك التواقيع
- بس بدي منك توقيع خصوصي إلي على أوتوغرافي الشخصي
- توقيع شو؟!
- توقيعك.. لأني بصراحة معجب فيك
- وأنا معجب فيك لأنك معجب فيني ...
