كيفك حبيبنا، شو أخبارك يا كبيرنا، قل لي شو السر اللي بيخلي كل العالم تحبك، شو مصدر جاذبيتك وإشعاعك يا كبيرنا، يا حبيبنا، يشهد الله أنو هلأ كنا بسيرتك، أنا وجماعة ما بتعرفهم، ولو يا كبيرنا، الكل بيحبوك، الكل بيموتوا فيك، حاول واحد يعطي عليك، بس أنا وأعوذ بالله من كلمة أنا كنت بالمرصاد،
!!!!
بهدلته بهدلة أدبية، وسكته، ومو بس هيك، خليته يعتذر ويعترف أنو كان غلطان، بل ومشان تضحك يا كبيرنا خليته يقل لي ندمان يا سيدي ندمان ههههه، بس أنا وحاشا لله أن أكون سيده، لأنك أنت سيدنا ومعلمنا وتاج راسنا ومولانا، بقى يا كبيرنا كنت بدي أسألك مشان الشغلة تبعي، بركدن بتظبِّط لي إياها، لأنو إذا ظبطت يا سيدنا رح تظبط كل أموري، وبعدين شغلتي عندك، أنت المدير والأمير وبشخطة قلم منك بصير فوق وبطير متل فريد الأطرش على بساط الريح يا أبو الجناحين مراكش فين وتونس فين، داخل على ألله وعليك ما تنساني، ومن توقيعك الحلو ما تحرمني، وبأفضالك تغمرني،... شو قلت مولانا والله ما سمعت.. حاكم الموبايل عم بياخد وبيعطي، ما في داعي لهالحكي؟
!..
ولو يا معلمنا.. أنت بتستاهل كل كلمة قلتها، بعدين أنا عم أحكي مشاني مو مشانك يا حبيبنا، يعني لو ما حكيت هالحكي بموت، ألله وكيلك بموت، بقى بيهون عليك أموت؟!!.. شو قلت تاج راسي.. على راسي.. وتسلم لي يا غالي، ويا غالي بتضلك غالي، هههههه.. ما قلت لي شو رأيك بميادة بسيليس مولانا؟!!
ومالت الدنيا ودارت، وتمَّ تعيين صاحبنا اللي كان عم يحكي من شوي محل المدير كبيرنا وحبيبنا ومولانا، وبينما كان تبع الشاي والقهوة عم يجيب له ليموناضة نظر إليه وقال: دخلك شو كان اسمه المدير اللي قبلي؟
ولو يا معلمنا.. أنت بتستاهل كل كلمة قلتها، بعدين أنا عم أحكي مشاني مو مشانك يا حبيبنا، يعني لو ما حكيت هالحكي بموت، ألله وكيلك بموت، بقى بيهون عليك أموت؟!!.. شو قلت تاج راسي.. على راسي.. وتسلم لي يا غالي، ويا غالي بتضلك غالي، هههههه.. ما قلت لي شو رأيك بميادة بسيليس مولانا؟!!
ومالت الدنيا ودارت، وتمَّ تعيين صاحبنا اللي كان عم يحكي من شوي محل المدير كبيرنا وحبيبنا ومولانا، وبينما كان تبع الشاي والقهوة عم يجيب له ليموناضة نظر إليه وقال: دخلك شو كان اسمه المدير اللي قبلي؟
