أسئلة بايخة تُسأل كل يوم

[Khalil ayne]

هذه الأسئلة تُسأل منّا كل يوم مع أنها أسألة باااااااايخة

متسطح بتختك ونايم ومطفي الضو ومتغطي بالبطانية بيجي واحد من أهلك بيفتح الباب ويقول :
شو نايم ؟؟
لأ !! عم ارقص.. بس الوضع بيوحي إني نايم


*معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه
إجيتوا ؟؟؟
لا والله لساتنا عالطريق، في عجئة بشارع بغداد


*لابس أحلى أواعيك ومتعطّر وشايل مفاتيح السيارة وجزدانك ورايح لبرات البيت، بيجي حدا من أهلك بيسألك، شو رايحلك شي مشوار !!؟؟
لا والله طالع عالأسطوح صلّح الدش؟؟؟


*حامل سماعة التلفون وعمتبلش تدق بالأرقام، بيجيك عنصر مفاجئ من أهلك وعلى
وجهه علامات الإستغراب والدهشة: بدك تحكي بالتلفون؟
لأ شو إحكي !!! بس كنت عم عد أزرار التلفون بلكي ضاع شي واحد ؟؟؟


*حاطت راسك ونازل بهالكتب والدراسة، بيجي أبوك أو امك...: عم تدرس؟
لا والله ...!! عم غير زيت للسيارة


*مذيعة بيوم العيد عم تلف بالشوارع وتلطي ع كم مواطن وتسأل وبنفس الوقت هي
بتجاوب: شو بتساوي اول يوم العيد ؟ أكيد بتروح بتزور الأهل والقرايب
لا والله بالعادة بفكر العب شدة وماروح لعندهم



*بتطلع بميكرو وبتطلع (خمسة ليرات )وبتعطيها لليقدامك، وبكل برودة
بيئلك: واحد ؟
لأ 60 واحد ؟ ورجعلي الباقي



*بدك تنزل من الميكرو: عاليمين زكاتك.... بتتلقى الرد: نازل؟؟
لا والله بس عم جرب صوتي

 

[كول نار]

رد: أسئلة بايخة تُسأل كل يوم

*بدك تنزل من الميكرو: عاليمين زكاتك.... بتتلقى الرد: نازل؟؟
لا والله بس عم جرب صوتي

ههههههه اية والله كلهم صح
كتير حلوين
تسلم خليل

 

[كوليلك]

رد: أسئلة بايخة تُسأل كل يوم

*حاطت راسك ونازل بهالكتب والدراسة، بيجي أبوك أو امك...: عم تدرس؟
لا والله ...!! عم غير زيت للسيارة
أكيد أخي اسئلة بايخة بس شو منساوي هذا الشيء صاير من التقاليد والعادات

 

[Khalil ayne]

رد: أسئلة بايخة تُسأل كل يوم

شكراً على تزيين موضوعي بمروركم الرائع

 

[Khalil ayne]

رد: أسئلة بايخة تُسأل كل يوم

*حاطت راسك ونازل بهالكتب والدراسة، بيجي أبوك أو امك...: عم تدرس؟
لا والله ...!! عم غير زيت للسيارة
أكيد أخي اسئلة بايخة بس شو منساوي هذا الشيء صاير من التقاليد والعادات

بشكرك أخت كوليلك على مرورك الرائع
بس أنا بناقضك بالرأي
لأنه بعتقد أنه هاد الشي ماله علاقة بالعادات والتقاليد
هي بس قصة تعويد يعني بس لأنهم تعودوا يسألوا هيك شي مو أكتر

وشكراً مرة تانية على مرورك الجميل

 

[حلوة آلمعآنيے]

رد: أسئلة بايخة تُسأل كل يوم

هههههههههههههههههههههههههههههههه فن يضحك

يسلمو