شاورما بالوان الطيف

[كول نار]

اولا اعطيكم طريقة العجينه


2 فنجان قهوة سكر
2فنجان قهوة حليب بودر
ملعقة كبيره خميرة فوريه
ملعقة صغيره Bp
نص كاس زيت
كأسين مويه


طبعا المقادير ذي كلها بالخلاط


بعد كذا تجيبين ألوان الطعام طبعا هي معروفه للكل وعلى حسب الالوان اللي عندك تقسمين الخليط بالتساوي عليها كل واحد بعلبه بالنسبه لي قسمتها بخمس علب بلاستيك 4 الوان وواحد خليته بدون لون عشان يعطيني ابيض واضيفي عليها الدقيق لحد ماتصير عجينه لينه واتركيها تتخمر ساعه


سوري انا ماصورتها وقت العجن بس بعد ماتخمرت كورتها وهذي صورة

بعد كذا تضغطيها بالآلة حقت المطازيز او تفرديها

وتحمريها عالصاج من الجهتين


هنا مااستخدمت الصاج استخدمت آلة المصابيب ( المراصيع)

اذا تحمرت من الجهتين حطيها بحافظه وسكري عليها عشان تكون لينه وماتتكسر معك


بعد كذا نجي للحشوة


شوحت شرايح بصل وشويه ثوم بالزيت وقطعت فيليه دجاج مكعبات واضفتها له بالاضافه لشوية جزر مبشور وفلفل رومي برضو قطعته مكعبات
وتضيفيه عليه..
ملح - فلفل اسود - كاري - ملعقة طحينة سايله-ملعقتين زبادي
وسر النكهة ملعقة (peanut butter) زبدة الفول السوداني


تخليها شوي عالنار لحد ماتستوي وتطفي عنها بعد كذا بامكانك تدخني الدجاج طبعا الكل يعرف الطريقه تحطي شويه زيت بصحن وتحمي الفحمه وتحطيها بصحن الزيت وتخليها وسط الدجاج وتغطيه لحد مايكسب النكهة


طبعا الحشوة على حسب رغبتك اي حشوة تنفع


وهذي صورة لحشوتي بعد ماقفلت عنها ودخنتها وكله

بعد كذا تقطعي شرايح خس وتخلطي مايونيز وكاتشب لزوم الحشو
وتبدين شغلك

طبعا تلفينها رول او تخلينها مفتوحه من فوق انتي وطريقتك هنا لفيتها وغلفتها بالغلاف النايلون المعروف حق الاكل

وهذا الشكل النهائي لها

وهنا مسويتها قبل ولافتها بورق الساندويتش

وهذي مره بعزيمه كبيره وحبيت اكشخ لفيت كل وحده بمنديل ملون وربطتها بشريطة ساتان وجبت سلة خوص وحطيت فللين تحت وفوقه قصدير زي طريقة المحلات اذا حطوا الفللين وفوقه الحلاوة وغرست الشاورما فيها باعواد الاسنان

وهذا شكلها عن قرب

​

 

[كلبهار]

هور يانعه في بساتين المنتدى نجني ثمارها من خلال الطرح الرائع لمواضيع اروع
وجمالية لا يضاهيها سوى هذا النثر البهي
فمع نشيد الطيور
وتباشير فجر كل يوم
وتغريد كل عصفور
وتفتح الزهور
اشكرك من عميق القلب على هذا الطرح الجميل
بانتظار المزيد من الجمال والمواضيع الرائعه